Бичил мэдээ
Шинэ мэдээ
Их уншигдсан
Өнгөрсөн баасан гарагт Автомашины хэмжээтэй ойролцоо нисэх төхөөрөмж БНХАУ-ын нийслэл Бээжин хотын хамгийн өндөр барилгыг мөргөсөн талаар ослыг харсан гэрчүүд мэдээлсэн. БНХАУ-ын нийслэлийн агаарын орон зай маш хатуу хяналттай байдаг тул ийм төрлийн осол маш ховор гарч байсан юм.
Доор сүүлийн 20 жилийн хугацаанд Бээжин хотод болсон жижиг нисэх онгоц болон нисдэг тэрэгний томоохон ослуудыг Хятадын иргэний нисэхийн байгууллага мөн төрийн хэвлэлүүдийн мэдээлэлд үндэслэн жагсаав.
2022 оны 7 дугаар сарын 6 – Жуулчны нислэг үйлдэж байсан нисдэг тэрэг Бээжингийн Чанпин дүүргээс Фаншань дүүрэг рүү нисэж явахдаа осолдож, хоёр нисгэгч амиа алджээ.
2018 оны 7 дугаар сарын 30 – Иргэний зориулалттай нисдэг тэрэг нисгэгчийн алдааны улмаас Бээжингийн Чаоян дүүргийн нэгэн тосгоны автомашины зогсоолд унаж осолдсон байна. Онгоцонд байсан дөрвөн хүн гэмтсэн.
🚂 2026 онд "Монголын төмөр зам" ТӨХК өөрийн эзэшлийн суурь бүтцээр 8 сая тонн ачаа тээвэрлээд байна.
2015 оны 6 дугаар сарын 6 – Сургалтын зориулалттай жижиг нисдэг тэрэг Миюнь усан сан руу унаж, хоёр хүн амиа алдаж байв.
2014 оны 4 дүгээр сарын 10 – Сургалтын жижиг нисэх онгоц Миюнь усан сангийн ойролцоох гол руу осолдож, нэг нисгэгч амиа алдаж, нөгөө нь гэмтжээ.
2011 оны 8 дугаар сарын 17 – Цагдаагийн нисдэг тэрэг эрэн хайх, аврах ажиллагааны сургуулилтаас буцаж явахдаа Миюнь усан сан руу осолдож, таван хүний бүрэлдэхүүнтэй багийн дөрвөн гишүүн амь үрэгджээ.
2008 оны 7 дугаар сарын 12 – Хөдөө аж ахуйн зориулалтаар пестицид цацаж явсан нисдэг тэрэг Бээжингийн алслагдсан Пингу дүүрэгт өндөр хүчдэлийн цахилгааны шугам мөргөсний дараа шатаж унасан бөгөөд нисгэгч амиа алдсан байна.
